二零一一年七月九日9 JUL 2011
東方日報 曹敏莉甜爆囡囡玩單眼
曹敏莉由老公陪入產房，一家三口來個溫馨合照。
「多多」亦是巨Ｂ一名。
曹敏莉校準時間，順利誕下8.7磅重Ｂ女。（資料圖片）
前港姐冠軍曹敏莉（Mandy）昨早弄瓦，在老公Jacky陪同下入產房開刀誕下8.7磅重女兒，乳名為「多多」，英文名為Dora，Mandy稱錫完囡囡後囡囡已識得單眼回敬，那刻她覺得幾辛苦都值得，甜到漏！
曹敏莉前晚入院待產，校準時間開刀生女，對於這胎是否擇了良辰吉日進行，Mandy則未有正面回應，她表示只參考過而已。而剛開完刀的Mandy，昨於電話中的聲線聽落精神，但她表示狀態有點累，尚未能落床，不過她會親自給囡囡餵人奶。問到生囡囡是否很辛苦？Mandy說：「都係預期中嘅感覺，但辛苦在麻醉藥未過，不過我都好開心，因為生完嗰刻醫生話囡囡好健康，抱埋我心口度我錫咗囡囡一啖，佢就識得向我單眼，嗰時我覺得好甜！好窩心！成個人都滿足晒！幾辛苦都抵！」
老公興奮過度
而Mandy生產過程中，老公Jacky全程握着她手陪伴以示支持，不過Mandy則大爆老公因興奮過度而瘀事連串：「我同佢講你就嚟做人爸爸啦……Jacky爸爸！佢即刻眼濕濕，跟住佢陪我入產房幫BB影相拍片，但老公全程掛住拖我隻手，要醫生提佢先識得拍，（囡囡似邊個？）我覺得眼長長似我，但個嘴就似我老公，整體都似老公嘅，因為囡囡圓碌碌，肥嘟嘟！」
仲未改中文名
問Mandy囡囡改咗中文名未？「唔會搵師傅改啦，因為我老公都唔係迷信嘅人，其實中文名我都有兩個心水，最緊要係有意思同好聽！（再追？）暫時唔會，因為今次囡囡我會自己湊番，（老公獎咩？）唔需要啦！BB健康已經係禮品。」
太陽報 曹敏莉誕8.7磅「多多女」
曹敏莉大肚期間明艷照人，昨日順利剖腹誕下BB女。
冠軍港姐曹敏莉昨日剖腹誕8.7磅囡囡，並改乳名為「多多」，夫婿Jacky初為人父更開心得眼濕濕。
昨晨曹敏莉（Mandy）在老公Jacky陪同下入產房開刀，順利誕下8.7磅女兒，二人已為囡囡改英文名為Dora，乳名「多多」。餵哺母乳的Mandy昨日接受電話訪問時，聲線尚算精神，但表示有點累，她直言生BB比她預期中辛苦，但當親吻囡囡後，囡囡向她單眼，即令她窩心得無限滿足，她說：「幾辛苦都抵！（擇日開刀？）參考過啫！」
肥嘟嘟似爸爸
剛為人父的Jacky亦十分緊張，更發生不少瘀事，Mandy笑說：「我叫老公做Jacky爸爸，佢即刻眼濕濕，跟住佢陪我入產房幫BB影相拍片，但全程掛住拖我隻手，要醫生提佢先識得拍。（囡囡似邊個？）我覺得眼長長似我，但個嘴就似老公，整體都似老公嘅，因為囡囡圓碌碌，肥嘟嘟！（BB中文名？）唔會搵師傅改，因為老公都唔係迷信嘅人，其實中文名我都有兩個心水，最緊要係有意思同好聽！（再追？）暫時唔會！」
太陽報 曹敏莉誕8.7磅「多多女」
曹敏莉大肚期間明艷照人，昨日順利剖腹誕下BB女。
冠軍港姐曹敏莉昨日剖腹誕8.7磅囡囡，並改乳名為「多多」，夫婿Jacky初為人父更開心得眼濕濕。
昨晨曹敏莉（Mandy）在老公Jacky陪同下入產房開刀，順利誕下8.7磅女兒，二人已為囡囡改英文名為Dora，乳名「多多」。餵哺母乳的Mandy昨日接受電話訪問時，聲線尚算精神，但表示有點累，她直言生BB比她預期中辛苦，但當親吻囡囡後，囡囡向她單眼，即令她窩心得無限滿足，她說：「幾辛苦都抵！（擇日開刀？）參考過啫！」
肥嘟嘟似爸爸
剛為人父的Jacky亦十分緊張，更發生不少瘀事，Mandy笑說：「我叫老公做Jacky爸爸，佢即刻眼濕濕，跟住佢陪我入產房幫BB影相拍片，但全程掛住拖我隻手，要醫生提佢先識得拍。（囡囡似邊個？）我覺得眼長長似我，但個嘴就似老公，整體都似老公嘅，因為囡囡圓碌碌，肥嘟嘟！（BB中文名？）唔會搵師傅改，因為老公都唔係迷信嘅人，其實中文名我都有兩個心水，最緊要係有意思同好聽！（再追？）暫時唔會！」
成報 曹敏莉剖腹誕囡囡
去年10月下嫁金融才俊的港姐曹敏莉（Mandy），昨日剖腹誕下重8.7磅的女兒。初為人母的Mandy急不及待想親自抱BB，透露待麻醉藥效力一過就會下床，她笑言只要見到BB就甚麼都會忘記，親吻BB時更有一份窩心感覺。
Mandy的老公也有陪入產房，她說：「老公全程有帶相機入產房影，但佢太緊張，要醫生提示先記得開機。」老公見到Mandy誕女過程也感動得眼濕濕。Mandy表示BB輪廓像父親肥嘟嘟，問到是否擇日誕女？她說︰「都有少少，但同預產期差唔多。」BB已改英文名Dora，乳名叫多多，Mandy稱自己不是迷信的人，中文名方面交由老公決定，心目中已有兩個心水選擇，會挑選一個好聽、有意思的名字。至於會否再接再厲追生兒子，Mandy說︰「生完又要自己湊，都係過多一兩年先。」
明報 曹敏莉誕8磅7巨B女 乳名叫多多
曹敏莉昨晨誕下女兒多多，丈夫陪伴她入產房，見到女兒出生好感動。
曹敏莉女兒多多重8磅7安士，相當重磅。
曹敏莉昨晨剖腹誕下8磅7安士的肥B女，她中午時在微博報喜，並上載與丈夫張家傑及囡囡的合照，還有囡囡的單人照，與粉絲分享。
眼似媽 嘴似爸
曹敏莉囡囡的乳名叫多多，英文名Dora，中文名未改。她開心說﹕「多多終於在今早出世了，重8磅7。第一刻抱她在懷裏親吻時，BB的氣味使我感到十分窩心及實在。但最開心莫過於醫生告訴我囡囡十分健康。多多眼睛似我，嘴嘟嘟像爸爸，你們覺得呢？」其後她接受訪問，說丈夫帶了相機入產房影相，但因太緊張，要醫生提示才記得開機，丈夫還眼濕濕。至於會否再追多個？她說生完要自己湊，過多一、兩年再算。
星島日報 曹敏莉誕肥B女取名Dora
曹敏莉產後一家三口合照。
曹敏莉昨日剖腹誕下8.7磅肥B女，目前還未有中文名，會交老公決定，因為已有兩個心水之選，會選出一個好聽又具意思的名字，不過英文名則是Dora，乳名則叫多多。
她仍感疲累，故未能下，她表示老公陪入產房，兼帶定拍攝器材，豈料準爸爸過分緊張，要醫生提醒才懂開機，曹敏莉表示女兒眼睛似她，嘟嘟嘴則似爸爸，人仔細細女兒已識單眼媽咪。
蘋果日報 曹敏莉剖腹誕 8.7磅女
曹敏莉昨日剖腹誕下 8.7磅女兒，老公 Jacky全程陪產。
前港姐冠軍曹敏莉榮升媽咪，她坦言一兩年後才考慮再追。 資料圖片
曹敏莉囡囡 Dora面圓鼻大，似足爹哋。
今年圈中大旺生仔生女，前港姐冠軍曹敏莉（ Mandy）昨日早上剖腹誕下女兒，重
8.7磅，母女平安。曹敏莉指囡囡安睡在自己懷中時，感覺非常實在又窩心。一切辛苦全都拋諸腦後，她踢爆老公緊張到連相片都忘記拍攝。
榮升媽咪的曹敏莉昨日剖腹誕下女兒，即時在微博開心公告天下，她寫道：「多多（女兒乳名）終於在今早出世了！重 8.7lbs！第一刻抱着她在懷抱親吻她時，
BB的氣味使我感到十分窩心及實在，但最開心莫過於醫生告訴我囡囡十分健康。」她更上載了 BB的大頭相：「多多眼睛似我，嘴嘟嘟像爸爸，你們覺得呢？」
「忍唔住錫佢一啖」
曹敏莉昨早剖腹誕女，下午便接受電話訪問，她的聲音聽來精神奕奕，她說：「等麻醉過咗，應該就可以落床。」她謂見到女兒出生，完全不覺辛苦，她說：「生完之後，醫生將
BB放喺我心口，我忍唔住錫咗佢一啖，好窩心，真係乜嘢都唔重要！」
曹敏莉透露 BB未改中文名，暫時心水有兩個名字，留待老公作最後決定，女兒英文名叫 Dora，乳名「多多」。她又踢爆全程陪在產房的老公
Jacky比她更緊張，她說：「我入產房前，同佢講：『你就快做 Jacky爸爸！』佢即刻眼濕濕，全程喺產房都捉住我隻手，鬼咁緊張！」
曹敏莉的老公準備了全副架生，包括相機和攝錄機拍攝
BB出世的時刻，但緊張到一度忘記拍攝，要醫生提醒可以影相，他才猛然醒覺。問到老公有甚麼獎勵？曹敏莉說：「唔需要喇，最緊要
BB健康。」她謂想親力親為湊囡囡，所以最快一兩年後才考慮再生。